--- მიცემული და --- ძეთა კერძი იყო და ხაზინადრისა ოდენ ხანი ბირთუელსა --- რა საწუთრომან მისი ბეგარა არ დაიკლო, მისად შედეგად ჩუენ, მეფეთა-მეფემან ალექსანდრე და ძეთა ჩემთა ვახტანგ და დიმიტრი და ძმათა ჩემთა ბაგრატ და გიორგი.
თქუენ შემოგწირეთ და მოგახსენეთ ატენის ხევს, სიონისა უკანით, ზუარი გაგნიაურა მისითა მეზურითა, წყლითა, საწნეხლითა...
ასრე და ამა წესითა შემოგუიწირავს და მოგუიხსენებია, რომე ყოველთა წელიწადთა, სეკდენბერსა რვასა, შობასა ყოვლად წმიდისა ღმრთისმშობელისასა, ჩუენთუის კარღებულსა აღაპსა გარდაიხდიდეთ ყოვლითურთ უნაკლულოსა და ერთი აღაპი მეორესა კვირიაკესა წმიდათა ორმეოცთასა ხაზინადრისა გიორგისათუის გარდაიხდებოდეს; პირველვე მისთუის გაჩენილი იყო თქუენგან და ერთი აღაპი ღმრთისმშობლობისა მეორესა დღესა ბირთუელისათუის გარდაიხდებოდეს.
დაიწერა სიგელი ესე ჩუენი ინდიკტიონსა მეფობისა ჩუენისასა მეორესა, ქკნსა რბ, ხელითა... დემეტრე მარკოზისშვილისათა.