...გქონდეს მოუშლელად და შეძუელებით თქუენ, ჩუენსა თანა შეზრდილ-გაზრდილსა და თავდადებით ნამსახურსა ჯავახიშვილსა გამრეკელსა, და თქუენთა შვილთა: ზაქარიას, კახასა, ზაზასა და სოღასა, შვილთა და მომავალთა სახლისა თქუენისათა, თქუენისა განაყოფისეული თქუენი მკუიდრი მამული, ციხითა, მონასტრითა, სასახლოთა, აზნაურისშვილებითა და გლეხებითა, ყანითა, ვენახითა, წყლითა, წისქუილითა, ჭალითა, სათიბითა, ტყითა, სანადიროთა, მთითა და ბარითა, სახმრითა და უხმრითა, მისითა მზღვრითა, საძებრითა და უძებრითა, მისითა მიმდგომითა სამართლიანითა ყოვლითურთ.
დაიწერა ბრძანება და სიგელი ესე ჩუენი ქრონიკონსა რკჱ, ინდიკდიონსა მეფობისა ჩუენისსა კჱ, ფებერვალსა კ, ხელითა ფრიად საწყალობელისა მესტუმრისა და კარის მწიგნობრისა ჩუენისა კლიმი კაკლაჩასძისათა.
მინაწერი (XVIII ს.): გამრეკელისა და კახას წიგნები რკონისა.