1448-01723

დედანი საბუთისა 1211-1212 წწ. - ბრძანება გიორგი მეფისა მღვიმისადმი

საბუთის ისტორია

დედნის ძირითადი ნაწილი დაკარგულია. სარგის კაკაბაძის აღწერით საბუთის საერთო ზომა იყო 92 x 26-26,5 სმ. შემორჩენილი ფოტოს მიხედვით საბუთის დედანს აღენიშნებოდა შემდეგი დაზიანებები: დაზიანებულია თავი - შუაზე გახეულია 1, 2, 3 სტრიქონები; ჩამოგლეჯილია ზედა მარცხენა კუთხე (1 სტრიქონს აკლია ქანწილის ზედა ნახევარი); ჩამოგლეჯილია ზედა მარჯვენა მხარე (1 სტრიქონს ბოლოში აკლია 8 ასო, 4 სტრიქონს აკლია 2 ასო); 2 სტრიქონში ბოლო 7 ასოს და 5 სტრიქონში ბოლო 4 ასოს ადგილი გაშავებულია).

დედნის verso-ზე მინაწერები გამოქვეყნებულია ს. კაკაბაძის მიერ.

საბუთის შემორჩენილი ფრაგმენტი ინახება საქართველოს ეროვნული არქივი. ფონდი 1448. საბუთი N 1723.

საბუთის შემორჩენილი ნაწილის აღწერა

ზომა:34,5 x 25,5 სმ; შემორჩენილია მხოლოდ მეორე კეფი
განკვეთილობის ნიშანი: ორწერტილი, ზოგჯერ ემატება დეფისი;

1984 - ქართული ისტორიული საბუთების კორპუსი - ტომი I - გვ.109