ქ. ესე წყალობისა წიგნი და ნიშანი შეგიწყალეთ და გიბოძეთ ჩუენ, მეფემან პატრონმან როსტომ, თქუენ, ჩუენთა ერდგულთა და მრავალფერად თავდადებით ნამსახურთა ყმათა, დავითიშვილს დავითს და თქუენთა შვილთა, კოსტანდილეს და ელიზბარს.
ასრე და ამა პირსა ზედან, რომე ამას წინათ თქუენს ნარძლევს დაეგირავებინა თქუენი მკვიდრი მამული თიჴრევი და ნამორაძისათვის მიეცა. და ჩუენცა მოკითხული ვქენით და დედაკაცს მამულის გასყიდვა არ ეხელყოდათ და გაერიგა. თქუენი სოფელი თიჴრევი ისრევ თქუენ გიბოძეთ და დაგანებეთ ყოვლის კაცისაგან უცილებლად და მოუსარჩლელად. გქონდეს და გიბედნიეროს ღმერთმან ჩუენსა ერდგულად სამსახურსა შინა.
დაიწერა ბძანება და ნიშანი ესე ქორონიკონსა ტკბ.
ერთი ჩუენი წიგნი ნამორაძეებს ჰქონდა და მამული სამკუიდრო დავითისა იყო და არას ემართლებოდა. და ნამორაძის წიგნი ამითა გაგუიცუდებია და მტკიცე ესე ოდენი არს.
უზის როსტომის მცირე ზომის, ოთხკუთხედი სპარსული ბეჭედი ლეგენდით: - "ქვეყნისა და დროის ხელმწიფემ, დიდსულოვანმა შაჰ სეფიმ წყალობა მოიღო მის მონაზე და ხოსროს როსტომი მიწოდა".