ტფილელ ეპისკოპოსმა ელისემ იერუსალიმში წასვლის წინ შესწირა სიონის ღვთისმშობელს; "ომფორი ერთი სირმით შეკერული, და ფილონი ერთი კარგი და ოქროქსოვილი, და სტიხარი ოქროქსოვილი, ოლარი ოქროქსოვილი, საბუხრები ოქროქსოვილი, და ომფორში სადები მომცრო ოთხთავი".
დაიწერა სიგელი ქორონიკონს ტკბ, თვესა ნოენბერსა ხუთსა.
ამას გარდა შესწირა ბარამაშვილი პატა, რომლის მამას ბარამას შიმშილობის წელს თავი და შვილი ყორღანაშვილისათვის მიეყიდა. ელისეს ყორღანაშვილისათვის სხვა ბიჭი მიუცია, პატა დაუხსნია და სიონისათვის შეუწირავს იმავე ქორონიკონს.