ფიცის წიგნი მეფე სოლომონ I-ისა და დედოფალ მარიამისა ქაიხოსრო აგიაშვილისადმი - ქეშიკთუხუცესისათვის, ერთგულების გამო "საციხისთაოს" ბოძების თაობაზე. "საციხისთაო" მტერს წაურთმევია აგიაშვილისათვის. მტერი ვძლიეო, წერს მეფე და "საციხისთაო" ისევ შენ დაგიბრუნეო. ამ ჩვენ ქვეყანაში ვინც და სადაც გყოლია აზნაურნი, მსახურნი, გლეხნი, ან მიწა-წყალი ყველა შენ გიბოძეთო.
დაიწერა ქორონიკონს უ მ ბ [1754 წ.]. შემდგენელი - დავით მდივანი.
დამტკიცებული ყოფილა სოლომონ მეფის ბეჭდით. ამჟამად მითითებულია ბეჭდის ადგილი.
მინაწერი: "ბატონიშვილი მამუკა ძმითურთ ჩემითა გიორგით, ვამტკიცებ სიგელსა ამას" - მითითებულია ორი ბეჭდის ადგილი. .